गदिमा नवनित
  • वाईट तितुके इथे पोसले, भलेपणाचे भाग्य नासले
    या पृथ्वीच्या पाठीवर, ना माणसास आधार!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • आचंद्रसूर्य नांदो स्वातंत्र्य भारताचे
  • Aachandra Surya Nando Swatantrya Bhartache
  • ग.दि.माडगूळकर(गदिमा) | Ga.Di.Madgulkar


  •  

    हे राष्ट्र देवतांचे, हे राष्ट्र प्रेषितांचे
    आ-चंद्रसूर्य नांदो स्वातंत्र्य भारताचे

    कर्तव्यदक्ष भूमी सीता-रघुत्तमाची
    रमायणे घडावी येथे पराक्रमांची
    शिर उंच उंच व्हावे हिमवंत पर्वतांचे

    येथे नसो निराशा थोड्या पराभवाने
    पार्थास बोध केला येथेच माधवाने
    हा देश स्तन्य प्याला गीताख्य अमृताचे



    येथेच मेळ झाला सामर्थ्य-संयमाचा
    येथेच जन्म झाला सिद्धार्थ गौतमाचा
    हे क्षेत्र पुण्यदायी भगवन्‌ तथागताचे

    हे राष्ट्र विक्रमाचे, हे राष्ट्र शांततेचे
    सत्यार्थ झुंज द्यावी या जागत्या प्रथेचे
    येथे शिवप्रतापी नरसिंह योग्यतेचे

    येथे परंपरांचा सन्मान नित्य आहे
    जनशासनातळीचा पायाच 'सत्य' आहे
    येथे सदा निनादो जयगीत जागृताचे