गदिमांची चित्रपटगीते शब्द | Marathi Film Song Lyrics
  •  
  • Box-C-30
  • होणार स्वयंवर तुझे जानकी
  • Honar Sawayamvar Tuze Janaki
  • ग.दि.माडगूळकर(गदिमा) | Ga.Di.Madgulkar


  •  

    होणार स्वयंवर तुझे जानकी ग आता
    जामात कोणता मिळेल न कळे ग ताता

    ही लतेसारखी धरणीमधुनी आली
    तो गगनामधुनी येईल का ग खाली ?
    देईल आलिंगन वेली मूर्त वसंता

    तुज पति पाहिजे ग श्यामल मेघांवाणी
    ही आवड माझी तुला कथियली

    ग कोणी
    डोळ्यांत तुझ्या ती दिसते येता-जाता

    तो तोच असावा ज्याची ऐकुन कीर्ति
    या मनी तयाची आकारुन ये मूर्ति
    लाजसी अशी का नाव तयाचे घेता

    ते नाव जाहले अधरावर या रंग
    त्या नामस्मरणे कंपित होते अंग
    मिटतात लोचने बधिरपणा ये चित्ता


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems