गदिमा नवनित
  • दैवजात दु:खें भरतां दोष ना कुणाचा
    पराधीन आहे जगती पुत्र मानवाचा
मराठी युनिकोड फॉन्ट
जोगिया (संगीत: सुरेशदा देवळे) | Jogia (Music: Suresh Devle)
  • जोगिया हा गदिमांचा पहिला काव्यसंग्रह,प्रस्तावनेत गदिमा म्हणतात जीवनव्यवसाय म्हणून लेखणीशी अनेकदा बेईमानी करण्याचा प्रसंग मजवर आला-येतो आहे.या संग्रहातील कविता ही मात्र व्रतस्थपणे केलेली काव्यनिर्मिती आहे.या संग्रहाला जोगिया असे नाव म्हणूनच द्यावेसे वाटले.

    गदिमांच्या जोगिया संग्रहातील निवडक १६ कवितांना चाली लावल्या आहेत सुरेशदा देवळे यांनी,गायक आहेत श्रीधर फडके,उत्तरा केळकर,रविंद्र साठे,चारुदत्त आफळे,ज्ञानदा परांजपे.गदिमांचे नातू सुमित्र माडगूळकर यांनी या अल्बमची निर्मिती केली आहे.
  • Box-C-16
  • श्रावणातल्या त्या रातीची
    Shravanatalya Tya Ratri Chi

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुरेशदा देवळे      Music Composer: Sureshada Devle
  • गायक: ज्ञानदा परांजपे      Singer: Dyanada Paranjpe
  • अल्बम: जोगिया      Album: Jogia





  •     MP3 player is mobile compatible
        (हा प्लेअर मोबाईल वर पण चालतो)

  • श्रावणांतल्या त्या रातीची शपथ घालितें तुला
    नकोस टाकुन जाउं जिवलगा अशी एकटी मला
    अर्ध्या रातीं रंगत होतीं गाणीं गावांतली
    फेर धरुनिया णाचत होत्या बारा घरच्या मुली
    बंद कवाडाआड,तुझ्या मी उरिं माथा टेकिला
    श्रावणांतल्या त्या रातीची शपथ घालितें तुला!
    त्या रातीची ऊब लोंकरी,ओलावा चंदनी
    खिडकीमधुनी बघूं लागली न्हालेली चांदणी
    बोल लावुनी तिला झणी मीं सरपडदा ओढिला
    श्रावणांतल्या त्या रातीची शपथ घालितें तुला!
    दमट चांदणे पुसट उमटलें होतें पडद्यावरी
    हळुंच टेकिले ओठ सख्या तूं,बुरखा मी सावरीं
    चुरा ढगांचा फेंकुन वारा बाहेरीं हांसला
    श्रावणांतल्या त्या रातीची शपथ घालितें तुला!
    झिम्मा फुगडी खेळुं लागला वारा धारांसवें
    दबला माझा श्वास,मोकळीं तृप्तीचीं आंसवें
    अदेय त्याचा दिला लाडक्या नजराणा मी तुला
    श्रावणांतल्या त्या रातीची शपथ घालितें तुला!
    सरला श्रावण हिरवी गादी चालवितो भादवा
    कितीही लुटला तरी वाटतो लाभ तुझा मज नवा
    नको पेटवूं विरहानें हा सौख्याचा बंगला
    श्रावणांतल्या त्या रातीची शपथ घालितें तुला!


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी | Related Marathi Songs