गदिमा नवनित
  • "नच स्वीकारा धना कांचना,नको दान रे, नको दक्षिणा
    काय धनाचें मूल्य मुनिजनां ? अवघ्या आशा श्रीरामार्पण"
मराठी युनिकोड फॉन्ट
अगदि आज (संगीत : नंदू घाणेकर) | Agadi Aaj (Music:Nandu Ghanekar)
  • गदिमांच्या लोकप्रिय गाण्यांना नव्या जनरेशनच्या ढिनच्याक गाण्यांच्या रुपात आणण्याचा एक आगळा वेगळा प्रयत्न,जून्या गाण्यांच्या चालींशी कुठलिही तुलना न करता एक वेगळा प्रयोग म्हणून नव्या जनरेशनला नक्कीच आवडेल.
    गदिमांचे मित्र व चित्रपट निर्माते गोविंदराव घाणेकर यांचे सुपुत्र नंदू घाणेकर यांनी हा वेगळा प्रयोग केला आहे,संगीत नंदू घाणेकरांचे आहे तर या गाण्यांचे संगीत संयोजन केले आहे आजचे आघाडीचे संगीतकार अजय-अतूल यांनी,गायक आहेत रविंद्र साठे,योगिता गोडबोले,अजय गोगावले.

    Agadiaaj Recording अगदि आज च्या ध्वनिमुद्रण प्रसंगी योगिता गोडबोले,अवधूत वाडकर,अजय गोगावले,नंदू घाणेकर,अशोक पत्की,अतूल गोगावले
  • Box-C-11
  • नखा नखावर रंग भरा गं
    Nakhan Nakhan War Rang Bhara

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: नंदू घाणेकर      Music Composer: Nandu Ghanekar
  • गायक: योगिता गोडबोले      Singer: Yogita Godbole
  • अल्बम: अगदि आज      Album: AagadiAaj





  •     MP3 player is mobile compatible
        (हा प्लेअर मोबाईल वर पण चालतो)

  • चला सख्यांनो हलक्या हाते नखांनखांवर रंग भरा ग
    नखांनखांवर रंग भरा

    आज सावलीपरी जायचे त्यांच्यामागे पाऊल ग
    पायी पैंजण बांधा द्याया आगमनाची चाहुल ग
    सिंहकटीवर स्वैर खेळू द्या रत्‍नमेखला सैल जरा

    बाहुंवरती बांधा बाई बाहुभुषणे नागाची
    अंचलि झाका हृदयावरची कमळे ही अनुरागाची
    गळ्यात घाला हार साजिरा पदकी त्याच्या दिव्य हिरा

    वेणी गुंफा मदनबाण वर भवती हिरवा मरवा ग
    आकाशातिल नक्षत्रांसम माथी मोती जडवा ग
    सौभाग्याच्या नगरा नेते सौंदर्याचा थाट पुरा


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी | Related Marathi Songs