गदिमा नवनित
  • नसे राऊळीवा नसे मंदिरी जिथे राबती हात तेथे हरी!
मराठी युनिकोड फॉन्ट
गीतरामायण (गायक व संगीत सुधीर फडके) | Geetramayan (Sung By Sudhir Phadke)
  • sudhir phadkeगीत रामायण हा एकाच कवीने वर्षभर रचलेला, एकाच संगीतकाराने संगीतबद्ध केलेला, वर्षभर अखंडितपणे चाललेला आकाशवाणीच्या इतिहासातील एकमेव, अभूतपूर्व असा संगीत कार्यक्रम ठरला १ एप्रिल १९५५ ते १९ एप्रिल १९५६ पर्यंत तो पुणे आकाशवाणीने प्रसारित केला.

    साधारण १९५३ साली पुणे आकाशवाणी हे केद्र सुरु झाले.श्री सीताकांत लाड नावाचे गदिमांचे मित्र कार्यक्रम नियोजक म्हणून पुण्याला आले होते नभोवाणीसाठी काहीतरी सातत्याने लिहावे, असा त्यांनी गदिमांना खूप आग्रह केला आणि एका महाकाव्याचा जन्म झाला.रामायणात वाल्मीकींनी २८००० श्लोकांत रामकथा लिहिली आहे.गदिमांनी तीच रामकथा एकूण ५६ गीतांत शब्दबध्द केली आहे.
  • Box-C-17
  • रामचंद्र स्वामी माझा
    Ramchandra Swami Maza

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: यशवंत देव      Music Composer: Yashwant Deo
  • गायक: सुधीर फडके      Singer: Sudhir Phadke
  • चित्रपट: नृत्यनाटिका 'कथा ही राम-जानकीची'      Film: Nrutyanatika 'Katha Hi Ram Janakichi'
  • अल्बम: गदिमा गीते      Album: GadimaGeete





  •     MP3 player is mobile compatible
        (हा प्लेअर मोबाईल वर पण चालतो)

  • रामचंद्र स्वामी माझा, राम अयोध्येचा राजा
    राम सज्जनांचा त्राता, हाती धनु पृष्ठी भाता
    राम दुर्जनांचा वैरी, राम त्राटिकेसी मारी

    रामे धनुष्य मोडिले, नाते सीतेशी जोडिले
    राम जानकीचा नाथ, पराक्रमी पुण्यव्रत

    राम वनवासी झाला, पितृवचनी गुंतला
    रामे भुलावण केली, शूर्पणखा विटंबिली
    राम शूर शिरोमणी, एकपत्नी एकबाणी

    रामा राक्षसे भोवली, सीता दशानने नेली
    राम लोचने पेटली, रामे निर्दाळिला वाली
    राम किष्किंधेसी आला, तथा सुग्रीवाचा झाला

    रामे सैन्ये मेळविली, चाल लंकेवरी केली
    राम आला, राम आला, रामे सागर जिंकीला
    रामा आडिवतो कोण, जळी पडले पाषाण
    मरू घातला रावण, मार्ग चाले 'रामायण'


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी | Related Marathi Songs