Click Here To Purchase
गदिमांची मराठी गाणी MP3 | Marathi Songs Of GaDiMa In Mp3
  • गदिमांनी वयाच्या १६-१७ वर्षीं मराठी चित्रपट सृष्टीत प्रवेश केला आणि बघता बघता माडगूळकर या नावाने मराठी चित्रपटसृष्टीत अनभिषक्त सम्राटपद निर्माण केले.मराठी चित्रपटात कथाकार, पटकथाकार, संवादलेखक, गीतकार, अभिनेता, निर्माता अश्या सर्व क्षेत्रात वावर केला.

    मराठी चित्रपटांसाठी त्यांनी १५७ पटकथा तर २००० पेक्षा जास्त मराठी गाणी लिहिली.त्यांच्या MP3 मराठी गाण्यांचा आस्वाद आता गदिमा वेबसाईटवरुन आपण घेऊ शकता.

    This Website Contains Marathi Songs Written By Legendary Marathi Author G.D.Madgulkar In MP3 Format,His Pen Contributed To As Many As 157 Marathi And 25 Hindi Films And More Than 2000 Marathi Songs!.Songs Are Distributed In Various Categories Like Children Songs (Balgeete),Patriotic Songs (Deshbhaktipar Geete),Devotional Songs (Bhakti Geete),Emotion Poetry Songs (BhavGeete),Traditional Dance Songs (Lavanya) And Original Marathi Film Songs.
  • Box-C-2
शब्दात नावात गायक संगीतकार चित्रपट
  • कोन्यात झोपली सतार (जोगिया)
    Konyat Zopali Satar (Jogia)

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सी. रामचंद्र      Music Composer: C.Ramchandra
  • गायक: फैय्याज      Singer: Faiyyaz
  • चित्रपट: घरकुल      Film: Gharkul
  • अल्बम: गदिमा गीते      Album: GadimaGeete






  •  गदिमा.कॉम साईटवरील गाणी कशी ऐकावीत? | How To Play Marathi Songs On Gadima.com?

  • कोन्यात झोपली सतार, सरला रंग
    पसरली पैंजणे सैल टाकुनी अंग
    दुमडला गालिचा, तक्‍के झुकले खाली
    तबकात राहिले देठ, लवंगा, साली.

    झुंबरी निळ्या दीपात ताठली वीज
    का तुला कंचनी अजुनी नाही नीज ?
    थांबले रसिकजन होते ज्याच्यासाठी
    ते डावलुनी तू दार दडपिले पाठी.

    हळुवार नखलिशी पुनः मुलायम पान
    निरखिसी कुसर वर कलती करुनी मान
    गुणगुणसी काय ते ? गौर नितळ तव कंठी
    स्वरवेल थरथरे फूल उमलते ओठी.

    साधता विड्याचा घाट, उमटली तान
    वर लवंग ठसता होसी कशी बेभान ?
    चित्रात रेखिता चित्र बोलले ऐने
    "का नीर लोचनी आज तुझ्या ग मैने ?"

    त्या अधरफुलांचे ओले मृदुल पराग
    हालले, साधला भाव स्वरांचा योग
    घमघमे, जोगिया दंवात भिजुनी गाता
    पाण्यात तरंगे अभंग वेडी गाथा.

    "मी देह विकुनिया मागुन घेते मोल
    जगविते प्राण हे ओपुनिया 'अनमोल'
    रक्‍तात रुजविल्या भांगेच्या मी बागा
    ना पवित्र देही तिळाएवढी जागा.

    शोधीत एकदा घटकेचा विश्राम
    भांगेत पेरुनी तुळस परतला श्याम
    सांवळा तरुण तो खराच ग वनमाली
    लाविते पान तो निघून गेला खाली.

    अस्पष्ट स्मरे मज वेडा त्याचा भाव
    पुसलेहि नाहि मी मंगल त्याचे नाव
    बोलला हळू तो दबकत नवख्यावाणी
    "मम प्रीती आहे जडली तुजवर राणी !"

    नीतिचा उघडिला खुला जिथे व्यापार
    बावळा तिथे हा इष्का गणितो प्यार
    हासून म्हणाल्ये, "दाम वाढवा थोडा"
    या पुन्हा, पान घ्या " निघून गेला वेडा !

    राहिले चुन्याचे बोट, थांबला हात
    जाणिली नाही मी थोर तयाची प्रीत
    पुन:पुन्हा धुंडिते अंतर आता त्याला
    तो कशास येईल भलत्या व्यापाराला ?

    तो हाच दिवस हा, हीच तिथी, ही रात
    ही अशीच होत्ये बसले परि रतिक्लांत
    वळुनी न पाहता कापित अंधाराला
    तो तारा तुटतो- तसा खालती गेला.

    हा विडा घडवुनी करिते त्याचे ध्यान
    त्या खुळ्या प्रीतीचा खुळाच हा सन्मान
    ही तिथी पाळिते व्रतस्थ राहुनी अंगे
    वर्षात एकदा असा 'जोगिया' रंगे.


गदिमा गौरव | Special Quotes
  • लेखक पु.भा.भावे:
    वास्तवतेतील गूढत्व व साधुत्व पाहावयासही माणसापाशी एक दृष्टी असावी लागते.माडगूळकरांचे पाशी ही दुर्मिळ दृष्टी आहे.ते नुसते आकाशाकडे पाहत नाहींत तर आकाशतत्त्वाकडे पाहतात.ह्या तात्त्विक दृष्टीनेच त्यांना आशयसंपन्न कथाचित्रे काढण्याचे सामर्थ्य दिले-अगदी दिवाकर कृष्णांपासून चालत आलेली चांगल्या कथांची परंपरा आज श्री.माडगूळकर चालवीत आहेत.
संबंधीत गाणी | Related Marathi Songs
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1