गदिमांची मराठी गाणी MP3 | Marathi Songs Of GaDiMa In Mp3
  • गदिमांनी वयाच्या १६-१७ वर्षीं मराठी चित्रपट सृष्टीत प्रवेश केला आणि बघता बघता माडगूळकर या नावाने मराठी चित्रपटसृष्टीत अनभिषक्त सम्राटपद निर्माण केले.मराठी चित्रपटात कथाकार, पटकथाकार, संवादलेखक, गीतकार, अभिनेता, निर्माता अश्या सर्व क्षेत्रात वावर केला.

    मराठी चित्रपटांसाठी त्यांनी १५७ पटकथा तर २००० पेक्षा जास्त मराठी गाणी लिहिली.त्यांच्या MP3 मराठी गाण्यांचा आस्वाद आता गदिमा वेबसाईटवरुन आपण घेऊ शकता.

    This Website Contains Marathi Songs Written By Legendary Marathi Author G.D.Madgulkar In MP3 Format,His Pen Contributed To As Many As 157 Marathi And 25 Hindi Films And More Than 2000 Marathi Songs!.Songs Are Distributed In Various Categories Like Children Songs (Balgeete),Patriotic Songs (Deshbhaktipar Geete),Devotional Songs (Bhakti Geete),Emotion Poetry Songs (BhavGeete),Traditional Dance Songs (Lavanya) And Original Marathi Film Songs.
  • Box-C-2
  • चंद्र आणखी प्रीती यांचे काय असावे नाते
    Chandra Aanakhi Preeti

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: वसंत पवार      Music Composer: Vasant Pawar
  • गायक: आशा भोसले, विठ्ठल शिंदे      Singer: Asha Bhosale,Vithal Shinde
  • चित्रपट: सांगत्ये ऐका      Film: Sangate Aaika
  • अल्बम: गदिमा गीते      Album: GadimaGeete




  •     MP3 player is mobile compatible
        (हा प्लेअर मोबाईल वर पण चालतो)
  • चंद्र पाहता स‍इ प्रीतीची तरुण मना का येते ?
    चंद्र आणखी प्रीती यांचे काय असावे नाते ?

    अग कलावती तू, तुला असावी अचूक तयाची जाण ग
    अन्‌ प्रीतनगरचा राजा मन्मथ, चंद्र तयाचा प्रधान ग !
    अग प्रीतनगरची प्रजा तयाच्या मुजर्‍यासाठी येते
    अन्‌ प्रधान साक्षी ठेवून राणी आण प्रीतीची घेते

    तोंडावरती जडे काळीमा, झिजते ज्याची कला कला
    तो मदनाचा मंत्री कैसा समजुनी सांगा तुम्ही मला ?
    गुरुपत्नीशी पाप करी हा, शाप बाधला याते
    चंद्र आणखी प्रीती यांचे काय असावे नाते ?

    अग चंद्र उगवता समुद्र उसळे, चढती डोंगरलाटा
    अन्‌ तो देखावा प्रीतरसाचा शाहीर म्हणती मोठा
    अग नभ-धरणीचे अंतर त्यांच्या प्रीतिने तुटते
    अन्‌ चंद्र आणखी प्रीती यांचे तूच ठरव गे नाते !

    लाटा उठती सागरात ज्या, त्या तर त्याच्या लेकी
    चंद्र-लहरिंची प्रीत जोडिती त्यांची फिरली डोकी !
    सख्खि बहिण अन्‌ सख्ख्या भावाची प्रीत कधी का होते ?
    चंद्र आणखी प्रीती यांचे काय असावे नाते ?

    अग चंद्र कसा ग होईल भाऊ उगाच सागरलाटांचा ?
    अन्‌ आधारासी दाव पुरावा, नको धिटावा ओठांचा !

    देवदानवी समुद्रमंथन पुराणांतरी केले ना !
    मंथनात त्या रत्‍न चंद्रमा उसळुन वरती आले ना !
    जन्म पावला सागरपोटी तो तर त्याचा बेटा
    त्याच सागरी जन्मतात ना निळ्या उसळत्या लाटा !

    अहो बहिण-भाऊ याहून कुठले चंद्र-लहरिंचे नाते ?
    चंद्र पाहता स‍इ प्रीतीची तरुण मना का येते ?


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी | Related Marathi Songs