गीतरामायण (आकाशवाणी,संगीत:सुधीर फडके | Geetramayan (Akashwani)
  • आपल्या सगळ्यांचे लाडके गीतरामायण ६० व्या वर्षात (हीरकमहोत्सवी) पदार्पण करीत आहे,महाकवी ग.दि.माडगूळकर व संगीतसुर्य सुधीर फडके यांच्या अलौकिक प्रतिभेतून साकारलेल्या गीतरामायणाची वाटचाल १ एप्रिल १९५५ रोजी पुणे आकाशवाणी पासून सुरु झाली.

    आज साठ वर्षे झाली तरीही रेडिओ, ग्रामोफोन, वृत्तपत्रे, कॅसेट, टेलिव्हीजन, संगणक, सीडी, इंटरनेट,फेसबुक,मोबाईल अ‍ॅप या सर्वच माध्यमातून यशस्वीपणे प्रवास करणारा हा एकमेव कलाविष्कार असावा!.

    गदिमा व बाबुजींबरोबर गीतरामायणाच्या निर्मितीत ज्या महान कलाकारांचा वाटा आहे त्यांचा उल्लेख करणे आज अपरिहार्य आहे,संयोजक सिताकांत लाड,गायक-गायिका माणिक वर्मा,लता मंगेशकर,ललिता फडके,मालती पांडे,वसंतराव देशपांडे,गजाननराव वाटवे,राम फाटक,व्ही.एल.इनामदार,सुरेश हळदणकर,बबनराव नावडीकर,चंद्रकांत गोखले,प्रमोदिनी जोशी,मंदाकिनी पांडे,योगिनी जोगळेकर,कुमुदिनी पेडणेकर,सुमन माटे,जानकी अय्यर,संगीत संयोजक प्रभाकर जोग व सौ.जोग,वादक अप्पा इनामदार,अण्णा जोशी,केशवराव बडगे व अनेक दिग्गज कलाकारांच्या अथक प्रयत्नातच गीतरामायणाचे यश सामावले आहे.
  • Box-C-19
  • चला राघवा चला
    Chala Raghava Chala

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुधीर फडके      Music Composer: Sudhir Phadke
  • गायक: चंद्रकांत गोखले      Singer: Chandrakant Gokhle
  • अल्बम: गीतरामायण (आकाशवाणी)      Album: GeetRamayan (Akashwani)





  •     First MP3 player is mobile compatible
        (हा प्लेअर मोबाईल वर पण चालतो)

  •     Second MP3 player is not mobile compatible
        (हा प्लेअर मोबाईल वर चालत नाही )


  •  गदिमा.कॉम साईटवरील गाणी कशी ऐकावीत? | How To Play Marathi Songs On Gadima.com?

  • चला राघवा चला
    पहाया जनकाची मिथिला

    मिथिलेहुनिही दर्शनीय नृप
    राजर्षी तो जनक नराधिप
    नराधिपें त्या नगरीमाजीं यज्ञ नवा मांडिला

    यज्ञमंडपी सुनाभ कार्मुक
    ज्यास पेलता झाला त्र्यंबक
    त्र्यंबक देवे त्याच धनुनें त्रिपुरासुर मारिला

    शिवधनुतें त्या सदनीं ठेवुन
    जनक तयाचें करितो पूजन
    पूजनीय त्या विशाल धनुला जगांत नाहीं तुला

    देशदेशिंचे नृपती येउन
    स्तिमित जाहले धनुष्य पाहुन
    पाहतांच तें उचलायाचा मोह तयां जाहला

    देव, दैत्य वा सुर, नर, किन्नर
    उचलुं न शकले त्यास तसूभर
    तसूभरी ना सरलपणा त्या चापाचा वांकला

    कोण वांकवुन त्याला ओढिल ?
    प्रत्यंचा त्या धनूस जोडिल ?
    सोडिल त्यांतुन बाण असा तर कोणी ना जन्मला

    उपजत योद्धे तुम्ही धनुर्धर
    निजनयनीं तें धनू पहा तर
    बघा राघवा, सौमित्री तर औत्सुक्यें दाटला

    उत्साहाने निघती मुनिजन
    चला संगतीं दोघे आपण
    आपण होतां सहप्रवासी भाग्यतरू ये फला


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी | Related Marathi Songs