गदिमा नवनित
  • दगडाच्या देवा दह्याच्या घागरी,अस्पृश्याच्या घरी पाणी नाही.
    पाळीव पोपट गोड फळे त्याला आणि गरिबांना कदांन्न का?
मराठी युनिकोड फॉन्ट
गीतरामायण (गायक व संगीत सुधीर फडके) | Geetramayan (Sung By Sudhir Phadke)
  • sudhir phadkeगीत रामायण हा एकाच कवीने वर्षभर रचलेला, एकाच संगीतकाराने संगीतबद्ध केलेला, वर्षभर अखंडितपणे चाललेला आकाशवाणीच्या इतिहासातील एकमेव, अभूतपूर्व असा संगीत कार्यक्रम ठरला १ एप्रिल १९५५ ते १९ एप्रिल १९५६ पर्यंत तो पुणे आकाशवाणीने प्रसारित केला.

    साधारण १९५३ साली पुणे आकाशवाणी हे केद्र सुरु झाले.श्री सीताकांत लाड नावाचे गदिमांचे मित्र कार्यक्रम नियोजक म्हणून पुण्याला आले होते नभोवाणीसाठी काहीतरी सातत्याने लिहावे, असा त्यांनी गदिमांना खूप आग्रह केला आणि एका महाकाव्याचा जन्म झाला.रामायणात वाल्मीकींनी २८००० श्लोकांत रामकथा लिहिली आहे.गदिमांनी तीच रामकथा एकूण ५६ गीतांत शब्दबध्द केली आहे.
  • Box-C-17
  • मज सांग अवस्था दूता,रघुनाथांची
    Maj Sang Avastha Doota Raghunathanchi

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुधीर फडके      Music Composer: Sudhir Phadke
  • गायक: सुधीर फडके      Singer: Sudhir Phadke
  • अल्बम: गीतरामायण (सुधीर फडके)      Album: GeetRamayan (Sudhir Phadke)





  •     MP3 player is mobile compatible
        (हा प्लेअर मोबाईल वर पण चालतो)

  • मुद्रिका अचुक मी ओळखिली ही त्यांची
    मज सांग अवस्था दूता, रघुनाथांची

    हातांत धनू तें, अक्षय भाता पृष्ठीं
    विरहांत काय ते राघव झाले कष्टी ?
    कां श्यामल वलयें नयनतळीं चिंतांचीं ?

    बसलेत काय ते लावुन कर कर्मातें ?
    विसरलेत काय ते दुःखें निजधर्मातें ?
    करितात अजुन ना कर्तव्यें नृपतीचीं ?

    सोडिले नाहिं ना अजुन तयांनीं धीरा ?
    का शौर्याचाही विसर पडे त्या वीरा ?
    साह्यार्थ असति ना सैन्यें सन्मित्रांची ?

    इच्छिती विजय ना त्यांचा अवघे राजे ?
    का लोकप्रीतिला मुकले प्रियकर माझे ?
    विसरले थोरवी काय प्रभू यत्‍नांची ?

    का मलाच विसरुन गेले माझे स्वामी ?
    मी दैवगतीने पिचतां परक्या धामीं
    का स्मृती तयांना छळिते या सीतेची ?

    करतील स्वयें ना नाथ मुक्तता माझी ?
    धाडील भरत ना सैन्य, पदाती, वाजी ?
    कळतसे त्यांस का वार्ता रघुनगरीची ?

    का विपत्कालिं ये मोह तयांच्या चित्तीं ?
    पुसटली नाहिं ना सीतेवरची प्रीती ?
    करतील मुक्तता कधिं ते वैदेहीची ?

    त्या स्वर्णघडीची हो‌इन का मी साक्षी ?
    कधिं रामबाण का घुसेल रावणवक्षीं ?
    वळतील पाउलें कधीं इथें नाथांचीं ?

    जोंवरी तयांचें कुशल ऐकतें कानीं
    तोंवरी सजिव मी असेन तैशा स्थानीं
    जन्मांत कधीं का होइल भेट तयांची ?


गदिमा गौरव | Special Quotes
  • लेखक पु.भा.भावे:
    वास्तवतेतील गूढत्व व साधुत्व पाहावयासही माणसापाशी एक दृष्टी असावी लागते.माडगूळकरांचे पाशी ही दुर्मिळ दृष्टी आहे.ते नुसते आकाशाकडे पाहत नाहींत तर आकाशतत्त्वाकडे पाहतात.ह्या तात्त्विक दृष्टीनेच त्यांना आशयसंपन्न कथाचित्रे काढण्याचे सामर्थ्य दिले-अगदी दिवाकर कृष्णांपासून चालत आलेली चांगल्या कथांची परंपरा आज श्री.माडगूळकर चालवीत आहेत.
संबंधीत गाणी | Related Marathi Songs