गदिमा नवनित
  • हस्ति सर्व संपदा,मस्तकात शारदा
    असे असून दिनसा,झुरसी काय व्यर्थ तू,माणसा समर्थ तू!
मराठी युनिकोड फॉन्ट
जोगिया (संगीत: सुरेशदा देवळे) | Jogia (Music: Suresh Devle)
  • जोगिया हा गदिमांचा पहिला काव्यसंग्रह,प्रस्तावनेत गदिमा म्हणतात जीवनव्यवसाय म्हणून लेखणीशी अनेकदा बेईमानी करण्याचा प्रसंग मजवर आला-येतो आहे.या संग्रहातील कविता ही मात्र व्रतस्थपणे केलेली काव्यनिर्मिती आहे.या संग्रहाला जोगिया असे नाव म्हणूनच द्यावेसे वाटले.

    गदिमांच्या जोगिया संग्रहातील निवडक १६ कवितांना चाली लावल्या आहेत सुरेशदा देवळे यांनी,गायक आहेत श्रीधर फडके,उत्तरा केळकर,रविंद्र साठे,चारुदत्त आफळे,ज्ञानदा परांजपे.गदिमांचे नातू सुमित्र माडगूळकर यांनी या अल्बमची निर्मिती केली आहे.
  • Box-C-16
  • उभी चढणिची वाट
    Doiwar Ghagar Haati Kalshi

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुरेशदा देवळे      Music Composer: Sureshada Devle
  • गायक: रविंद्र साठे      Singer: Ravindra Sathe
  • अल्बम: जोगिया      Album: Jogia





  •     MP3 player is mobile compatible
        (हा प्लेअर मोबाईल वर पण चालतो)

  • डुइवर घागर,हाती कळसी,अजब तुझा ग थाट
    डोळं लववुन चाल जराशी,उभी चढणिची वाट

    शेवाळानं झालं निसरडं संभाळ कलता तोल
    उभी राहुनी माझ्यासंग चार अक्षरं बोल
    लयी दिसांनी आज गवसली एकांतीची गांठ!

    मुरकी मारुन गिरकीसरशी असं काय जावं?
    बरा थडकला खडक पाउलां,ठोकरलं जोडवं
    पदर घसरता,मनांत भरला तुझा मराठी घाट!

    दमांत जाऊ नको ठेचळुन कणखर माझं मन
    बहिरि ससाण्यापरी झडपुनी नेइन ग उचलुन
    पुरं पांखरा खुळी करामत,थांबच बिनबोभाट!

    कुळवंताची बाळ सये तूं,मी मोठ्याचा पोर
    खोडीसाठी माझ्या पडतिल उगा इरेला थोर
    डोळ्यांनी तरि सांग आंतलं नकोस फिरवू पाठ!

    आडमुठ्याला आतां कळला लाजेचा हा खेळ
    चला म्हणालिस,आज उमगला दोन मनांचा मेळ

    आतां भेटी वैशाकांतच सरतां आंतर्पाट
    डोळं लववुन चाल जराशी उभी चढाची वाट!


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी | Related Marathi Songs