गदिमा नवनित
  • कालपुरुषा तु स्वत: थकशील,थेरडा होशील पण,आम्हाला म्हातारपण देणे कक्षेबाहेर आहे तुझ्या.
    आम्ही लढतच राहु.हे आव्हान घे माझे-एका कलाकाराचे!
गदिमांची मराठी गाणी MP3 | Marathi Songs Of GaDiMa In Mp3
  • गदिमांनी वयाच्या १६-१७ वर्षीं मराठी चित्रपट सृष्टीत प्रवेश केला आणि बघता बघता माडगूळकर या नावाने मराठी चित्रपटसृष्टीत अनभिषक्त सम्राटपद निर्माण केले.मराठी चित्रपटात कथाकार, पटकथाकार, संवादलेखक, गीतकार, अभिनेता, निर्माता अश्या सर्व क्षेत्रात वावर केला.

    मराठी चित्रपटांसाठी त्यांनी १५७ पटकथा तर २००० पेक्षा जास्त मराठी गाणी लिहिली.त्यांच्या MP3 मराठी गाण्यांचा आस्वाद आता गदिमा वेबसाईटवरुन आपण घेऊ शकता.

    This Website Contains Marathi Songs Written By Legendary Marathi Author G.D.Madgulkar In MP3 Format,His Pen Contributed To As Many As 157 Marathi And 25 Hindi Films And More Than 2000 Marathi Songs!.Songs Are Distributed In Various Categories Like Children Songs (Balgeete),Patriotic Songs (Deshbhaktipar Geete),Devotional Songs (Bhakti Geete),Emotion Poetry Songs (BhavGeete),Traditional Dance Songs (Lavanya) And Original Marathi Film Songs.
  • Box-C-2
  • गीत हवे का गीत?
    Geet Have Ka Geet

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुरेशदा देवळे      Music Composer: Sureshada Devle
  • गायक: श्रीधर फडके      Singer: Shridhar Phadke
  • अल्बम: जोगिया      Album: Jogia




  •     MP3 player is mobile compatible
        (हा प्लेअर मोबाईल वर पण चालतो)
  • गीत हवे का गीत?
    एका मोलें विकतों घ्या रे विरह आणखी प्रीत

    गिर्‍हाइकाच्या लहरीखातर
    कांतुनि मी आणियलें अक्षर
    सुरेख केल्या बघा बाहुल्या वरी बांधिली फीत

    नीटस गोंडस,वजनीं हलक्या
    मुक्या तरीहि दिसति बोलक्या
    नयनीं यांच्या भाव कोरिले जे सर्वां माहीत

    हंसर्‍या,रडव्या,सुप्त,खेळत्या
    कळसूत्रीं कुणि सहज नाचत्या
    भडक घातले वेष,सहज जे करिती जन मोहीत

    कोण हंसे तें दबल्या ओठी!
    सौदा करितों पोटासाठी
    रस्तोरस्तीं फिरुनि पोटच्या कन्या नाहिं विकीत!

    हंसणारांनो,वेळ काढुनी
    या गरिबांच्या प्रसंन्न सदनीं
    अरुणम्य त्या बघाल लेकी,बघाल त्यांची रीत

    उरांत माझ्या अग्नी लपला
    पोटीं आल्या समूर्त चपला
    असेल साहस तर या गेहीं,होउं नका विचलीत

    दिसतो तुम्हां तो मी नाहीं
    कसले येतां माझ्या गही कीं गेहीं
    उन्मेषाच्या वनीं नांदतों,तेजाच्या जाळींत

    तेथें येतिल ते तर ज्ञानी
    तसें म्हणावें तुम्हांस कोणी?
    फिरते छाया पथांत माझी,तीच बसा न्याहळीत

    मी हंसण्यानें तुमच्या हंसलों
    बोलुं नये तें गूज बोललों
    तुमच्या दारीं रोजच बसणें माल मला खपवीत


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी | Related Marathi Songs