गदिमा नवनित
  • दैवजात दु:खें भरतां दोष ना कुणाचा
    पराधीन आहे जगती पुत्र मानवाचा
मराठी युनिकोड फॉन्ट
गीतरामायण (आकाशवाणी,संगीत:सुधीर फडके | Geetramayan (Akashwani)
  • आपल्या सगळ्यांचे लाडके गीतरामायण ६० व्या वर्षात (हीरकमहोत्सवी) पदार्पण करीत आहे,महाकवी ग.दि.माडगूळकर व संगीतसुर्य सुधीर फडके यांच्या अलौकिक प्रतिभेतून साकारलेल्या गीतरामायणाची वाटचाल १ एप्रिल १९५५ रोजी पुणे आकाशवाणी पासून सुरु झाली.

    आज साठ वर्षे झाली तरीही रेडिओ, ग्रामोफोन, वृत्तपत्रे, कॅसेट, टेलिव्हीजन, संगणक, सीडी, इंटरनेट,फेसबुक,मोबाईल अ‍ॅप या सर्वच माध्यमातून यशस्वीपणे प्रवास करणारा हा एकमेव कलाविष्कार असावा!.

    गदिमा व बाबुजींबरोबर गीतरामायणाच्या निर्मितीत ज्या महान कलाकारांचा वाटा आहे त्यांचा उल्लेख करणे आज अपरिहार्य आहे,संयोजक सिताकांत लाड,गायक-गायिका माणिक वर्मा,लता मंगेशकर,ललिता फडके,मालती पांडे,वसंतराव देशपांडे,गजाननराव वाटवे,राम फाटक,व्ही.एल.इनामदार,सुरेश हळदणकर,बबनराव नावडीकर,चंद्रकांत गोखले,प्रमोदिनी जोशी,मंदाकिनी पांडे,योगिनी जोगळेकर,कुमुदिनी पेडणेकर,सुमन माटे,जानकी अय्यर,संगीत संयोजक प्रभाकर जोग व सौ.जोग,वादक अप्पा इनामदार,अण्णा जोशी,केशवराव बडगे व अनेक दिग्गज कलाकारांच्या अथक प्रयत्नातच गीतरामायणाचे यश सामावले आहे.
  • Box-C-19
  • पळविली रावणें सीता
    Palavili Ravane Sita

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुधीर फडके      Music Composer: Sudhir Phadke
  • गायक: राम फाटक      Singer: Ram Phatak
  • अल्बम: गीतरामायण (आकाशवाणी)      Album: GeetRamayan (Akashwani)





  •     MP3 player is mobile compatible
        (हा प्लेअर मोबाईल वर पण चालतो)

  • मरणोन्मुख त्याला कां रे मारिसी पुन्हां रघुनाथा ?
    अडवितां खलासी पडलों, पळविली रावणें सीता

    पाहिली जधीं मी जातां
    रामाविण राज्ञी सीता
    देवरही संगे नव्हता
    मी बळें उडालों रामा, रोधिलें रथाच्या पंथा

    तो नृशंस रावण कामी
    नेतसे तिला कां धामीं
    जाणिलें मनीं सारें मी
    चावलों तयाच्या हातां, हाणिले पंख हे माथां

    रक्षिण्या रामराज्ञीसी
    झुंजलों घोर मी त्यासी
    तोडिलें कवचमुकुटासी
    लावूं नच दिधलें बाणां, स्पर्शूं ना दिधला भाता

    सर्वांगा दिधले डंख
    वज्रासम मारित पंख
    खेळलो द्वंद्व निःशंक
    पाडला सारथी खाली, खाइ तो खरांच्या लाथा

    सारुनी दूर देवीस
    मोडिला रथाचा आंस
    भंगिलें उभय चक्रांस
    ठेंचाळुनि गर्दभ पडलें, दुसर्‍याच्या थटुनी प्रेता

    लोळलें छत्रही खालीं
    युद्धाची सीमा झाली
    मी शर्थ राघवा, केली
    धांवला उगारुन खड्गा, पौलस्ती चावित दांता

    हे पंख छेदिल्यावरती
    मी पडलो धरणीवरती
    ती थरथर कांपे युवती
    तडफडाट झाला माझा, तिज कवेंत त्यानें घेतां

    मम प्राण लोचनीं उरला
    मी तरी पाहिला त्याला
    तो गगनपथानें गेला
    लाडकी तुझी सम्राज्ञी, आक्रंदत होती जातां


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी | Related Marathi Songs